دہلی کی وزیر اعلیٰ نے پنجاب کے گرودوارہ سری جیوتی سروپ صاحب میں حاضری دی
نئی دہلی، دہلی کی وزیر اعلیٰ ریکھا گپتا نے ہفتہ کو پنجاب کے سری فتح گڑھ صاحب میں واقع گرودوارہ سری جیوتی سروپ صاحب میں حاضری دے کر ماتھا ٹیکا۔ انہوں نے کہا کہ ویر صاحبزادوں اور ماتا گجری جی کی شہادت کی یادوں سے وابستہ یہ مقدس سرزمین قربانی، ریاضت، بہادری اور دین داری کی لازوال تحریک کا سرچشمہ ہے۔
وزیر اعلیٰ نے گرو کے چرنوں میں پنجاب کی خوشی -خوشحالی، ترقی اور ہر خاندان کی بھلائی کے لیے ارداس کی۔ انہوں نے کہا کہ واہے گرو کی کرپا سب پر بنی رہے اور سیوا، سچائی اور ہم آہنگی کی روشنی ہماری زندگیوں کو ہمیشہ صحیح سمت دکھاتی رہے۔وزیر اعلیٰ نے صحافیوں سے بات کرتے ہوئے کہا کہ آج انہوں نے گرو صاحب سے دعا کی کہ وہ پنجاب کے عوام کو ریاست میں جاری مظالم اور منشیات کے مسئلے کی گرفت کے خلاف متحد ہوکر لڑنے کی طاقت عطا کریں۔ ہمیں پنجاب اور اس کے نوجوانوں کی حفاظت یقینی بنانی ہوگی۔ اس جدوجہد میں پورا ملک پنجاب کے ساتھ کھڑا ہے۔قابل ذکر ہے کہ دہلی کی وزیر اعلیٰ آج ’نشہ مکت پنجاب یاترا‘ میں شرکت کے لیے پنجاب پہنچی ہیں۔
