پی ایم-سیتو سےصنعت پر مبنی آئی ٹی آئیز کی تبدیلی کے عمل کو مزید استحکام حاصل ہو رہا ہے

پانچویں قومی اسٹیئرنگ کمیٹی نے 735.70 کروڑ روپے مالیت کے ایس آئی پیز کو منظوری دی
نئی دہلیـ:پرَ دھان منتری اسکلنگ اینڈ ایمپلائبلٹی ٹرانسفارمیشن تھرو اپ گریڈڈ آئی ٹی آئیز (پی ایم-سیتو) کی پانچویں قومی اسٹیئرنگ کمیٹی (این ایس سی) کا اجلاس کل ہنر مندی کی ترقی اور صنعت کاری کی وزارت (ایم ایس ڈی ای) کی سکریٹری محترمہ دیباشری مکھرجی کی صدارت میں منعقد ہوا۔اجلاس میں ڈائریکٹوریٹ جنرل آف ٹریننگ (ڈی جی ٹی) کے ڈائریکٹر جنرل جناب دلیپ کمار، ایڈیشنل سکریٹری اور مالیاتی مشیر محترمہ جی. مدھومیتا داس، ایم ایس ڈی ای کی جوائنٹ سکریٹری محترمہ مانسی سہائے ٹھاکر، وزارت اور ریاستی حکومتوں کے سینئر افسران، کثیر ملکی ترقیاتی بینکوں کے نمائندگان اور صنعتی شراکت داروں نے شرکت کی۔بھارت کے صنعتی تربیتی اداروں (آئی ٹی آئیز) کے نظام میں تبدیلی کے عمل کو تیز کرنے کی سمت میں ایک اہم قدم کےطور پر قومی اسٹیئرنگ کمیٹی نے راجستھان، اتر پردیش اور تلنگانہ کے آئی ٹی آئی کلسٹروں کے لیے مجموعی طور پر 735.70 کروڑ روپے کے منصوبہ جاتی اخراجات پر مشتمل اسٹریٹجک انویسٹمنٹ پلانز (ایس آئی پیز) کی منظوری دے دی۔ان منظوریوں سے پی ایم-سیتو کے تحت صنعت کی قیادت میں تبدیلی کے نقطۂ نظر کو مزید تقویت ملی ہے۔ صنعت اور ادارہ جاتی شراکت دار آئی ٹی آئی کے بنیادی ڈھانچے کو جدید بنانے، مستقبل کی ضروریات سے ہم آہنگ کورسز متعارف کرانے اور تربیتی پروگراموں کو صنعت کی بدلتی ہوئی ضروریات کے ساتھ زیادہ قریب سے ہم آہنگ کرنے میں تعاون کر رہے ہیں۔
ان منظوریوں کے ساتھ پی ایم-سیتو کے تحت منظور شدہ مجموعی سرمایہ کاری 9 آئی ٹی آئی کلسٹروں میں بڑھ کر 2,171 کروڑ روپے ہوگئی ہے، جس سے ملک بھر میں جدید، صنعت کی قیادت میں کام کرنے والے اور مستقبل کی ضروریات سے ہم آہنگ آئی ٹی آئیز کے قیام کے عمل میں مزید تیزی آئے گی۔
تین آئی ٹی آئی کلسٹروں کے لئے 735.70 کروڑ روپے کی سرمایہ کاری
پانچویں قومی اسٹیئرنگ کمیٹی نے درج ذیل اسٹریٹجک انویسٹمنٹ پلانز کی منظوری دی:
راجستھان – 241.00 کروڑ روپے
قومی اسٹیئرنگ کمیٹی نے میسرز ایچ. جی. انفرا انجینئرنگ لمیٹڈ (ایچ جی آئی ای ایل) کی جانب سے بھیواڑی آئی ٹی آئی کلسٹر کے لیے پیش کیے گئے اسٹریٹجک انویسٹمنٹ پلان (ایس آئی پی) کو منظوری دے دی۔اس کلسٹر میں سرکاری آئی ٹی آئی بھیواڑی کو مرکزی ادارہ (ہب) بنایا گیا ہے، جبکہ سرکاری آئی ٹی آئی الور، سرکاری آئی ٹی آئی نیم رانا، سرکاری آئی ٹی آئی تجارہ اور سرکاری آئی ٹی آئی کشن گڑھ باس کو معاون اداروں (اسپوکس) کے طور پر شامل کیا گیا ہے۔
تلنگانہ – 254.30 کروڑ روپے
قومی اسٹیئرنگ کمیٹی نے میڈچل آئی ٹی آئی کلسٹر کے لیے میسرز زین ٹیکنالوجیز لمیٹڈ کی جانب سے پیش کیے گئے اسٹریٹجک انویسٹمنٹ پلان کی منظوری دے دی۔ اس منصوبے کو آپریشنل اور مالی امور سے متعلق وضاحتیں مطلوب ہونے کے باعث چوتھی قومی اسٹیئرنگ کمیٹی کے اجلاس کے دوران پہلے مؤخر کر دیا گیا تھا۔اس کلسٹر میں سرکاری آئی ٹی آئی میڈچل کو مرکزی ادارہ (ہب) بنایا گیا ہے، جبکہ سرکاری آئی ٹی آئی الول، سرکاری آئی ٹی آئی شمیرپیٹ، گورنمنٹ آئی ٹی آئی کوکونور پللی کوکنورپلی اور گورنمنٹ آئی ٹی آئی سدی پیٹ کو معاون اداروں (اسپوکس) کے طور پر شامل کیا گیا ہے۔
اینکر صنعتی شراکت دار کی جانب سے کورس کے ڈھانچے، مالی کیلکولیشن، اہلیت، دستاویزات اور تعمیراتی کاموں سے متعلق تفصیلی وضاحتیں پیش کئے جانے کے بعد کمیٹی نے جوابات کو اطمینان بخش پایا اور اسٹریٹجک انویسٹمنٹ پلان کی منظوری دے دی۔
اتر پردیش – 240.40 کروڑ روپے
کمیٹی نے میرٹھ آئی ٹی آئی کلسٹر کے لئے نیشنل اسکل ڈیولپمنٹ کارپوریشن (این ایس ڈی سی) کی جانب سے پیش کئے گئے اسٹریٹجک انویسٹمنٹ پلان (ایس آئی پی) کی منظوری دے دی۔اس کلسٹر میں سرکاری آئی ٹی آئی، ساکیت، میرٹھ کو مرکزی ادارہ (ہب) بنایا گیا ہے، جبکہ سرکاری آئی ٹی آئی غازی آباد، سرکاری آئی ٹی آئی ہاپوڑ، سرکاری آئی ٹی آئی گوتم بدھ نگر اور سرکاری آئی ٹی آئی باغپت کو معاون اداروں (اسپوکس) کے طور پر شامل کیا گیا ہے۔
صنعتی شراکت داری سے آئی ٹی آئیز کی جدید کاری کو فروغ
ان اسٹریٹجک انویسٹمنٹ پلانز کی منظوری پی ایم-سیتو کے نفاذ میں ایک اور اہم سنگ میل ہے۔ اس اسکیم کا مقصد صنعت کی قیادت میں ہب اور اسپوک کلسٹر ماڈل کے ذریعے سرکاری آئی ٹی آئیز کو جدید اور بہتر بنانا ہے۔منظور شدہ منصوبوں میں بنیادی ڈھانچے کو جدید بنانے، موجودہ ٹریڈز کو اپ گریڈ کرنے، نئے طویل مدتی اور قلیل مدتی کورسز متعارف کرانے اور اداروں کی عملی صلاحیتوں کو مضبوط بنانے کے لیے سرمایہ کاری کی جائے گی۔ قومی اسٹیئرنگ کمیٹی کے سامنے پیش کیے جانے سے قبل ان اسٹریٹجک انویسٹمنٹ پلانز کا متعلقہ ریاستی اسٹیئرنگ کمیٹیوں نے جائزہ لیا اور ان کی سفارش کی۔تینوں منظور شدہ اسٹریٹجک انویسٹمنٹ پلانز میں مجموعی طور پر 735.70 کروڑ روپے کی سرمایہ کاری کی جائے گی۔ اس سے جدید، صنعت کی ضروریات کے مطابق اور مستقبل کی ضروریات سے ہم آہنگ آئی ٹی آئیز کے قیام کے لیے مرکزی حکومت، ریاستی حکومتوں اور صنعتی شراکت داروں کے درمیان تعاون مزید مضبوط ہوگا۔توقع ہے کہ ان منظوریوں سے آئی ٹی آئیز کی یہ صلاحیت مضبوط ہوگی کہ وہ نوجوانوں کو ابھرتی ہوئی ٹیکنالوجیز، صنعت کی بدلتی ہوئی ضروریات اور روزگار کے بدلتے ہوئے مواقع کے مطابق مہارتیں فراہم کر سکیں۔اجلاس کے دوران ایک اہم سنگ میل اس وقت حاصل ہوا جب ایچ. جی. انفرا انجینئرنگ لمیٹڈ، حکومتِ راجستھان اور ہنر مندی کی ترقی اور صنعت کاری کی وزارت، حکومتِ ہند کے درمیان شیئر ہولڈرز ایگریمنٹ (ایس ایچ اے) پر دستخط کیے گئے۔ راجستھان حکومت کے محکمہ ہنر مندی، روزگار اور صنعت کاری کے ایڈیشنل چیف سکریٹری جناب سندیپ ورما کی موجودگی میں ہونے والے ان دستخطوں کے ساتھ پی ایم-سیٹو کے تحت بھیواڑی آئی ٹی آئی کلسٹر کے نفاذ کی سرگرمیوں کا باضابطہ آغاز ہوگیا ہے۔ اس کے ساتھ ہی راجستھان اس اسکیم کے تحت شیئر ہولڈرز ایگریمنٹ پر دستخط کرنے والی ملک کی پہلی ریاست بن گئی ہے۔