آسام کے وزیراعلیٰ ہیمنت بسوا نے وزیر اعظم مودی سے ملاقات کی ، 

گوہاٹی/نئی دہلی، 20 اگست (ہ س): آسام کے وزیر اعلی ڈاکٹر ہیمنت بسوا سرما نے جمعرات کو نئی دہلی میں وزیر اعظم نریندر مودی سے ملاقات کی۔ دونوں رہنماؤں نے تقریباً 45 منٹ تک بات چیت کی۔ وزیر اعلیٰ نے وزیر اعظم کو آسام میں تباہ کن سیلاب سے ہونے والے وسیع نقصان اور موجودہ صورتحال کی جانکاری دی۔ انہوں نے وزیراعظم کو سیلاب سے متاثرہ علاقوں اور ریاست کو ہونے والے نقصانات سے متعلق بھی تفصیل فراہم کی۔