آسٹریلوی شہری نے 24 گھنٹے میں سب سے زیادہ پْل اَپس مارنے کا عالمی ریکارڈ بنا دیا

سڈنی،مارچ۔آسٹریلوی شہری نے 24 گھنٹے میں سب سے زیادہ پْل اَپس مارنے کاگنیز ورلڈ ریکارڈ بنا دیا۔ غیر ملکی میڈیا رپورٹس کے مطابق جیکسن اٹالیانو نے سڈنی میں آسٹریلوی فلاحی ادارے کیلئے رقم جمع کرنے کیلئے یہ ریکارڈ بنانے کا فیصلہ کیا تا کہ اس سے اکٹھا ہونے والی رقم عطیہ کرسکیں۔انہوں نے 24 گھنٹے میں 8 ہزار8 پْل اَپس مارے، یہ کارنامہ انہوں نے ساڑے تین گھنٹے میں سرانجام دیا۔جیکسن کے مطابق انہوں نے ریکارڈ توڑنے کے لیے 8 مہینوں تک خوب محنت کی تھی۔اس سے قبل 24 گھنٹے میں سب سیزیادہ پْل اَپس کا ریکارڈ 7 ہزار717 تھا۔رپورٹس کے مطابق اس ریکارڈ کے ذریعے آسٹریلوی شہری نے چیریٹی کے لیے تقریباً 6 ہزار ڈالر جمع کیے۔