مشرا نے صاف جے پور، صحت مند جے پور کی اپیل کی

جے پور، فروری ۔ راجستھان کے گورنر کلراج مشرا نے آج صبح یہاں جے پور میراتھن کے 14ویں ایڈیشن کو ہری جھنڈی دکھا کر روانہ کیا۔دارالحکومت جے پور کے رامنیواس باغ سے شروع ہونے والی میراتھن کے موقع پر، مسٹر مشرا نے ‘صاف جے پور، صحت مندجے پور پر زور دیا اور کہا کہ ‘فٹ انڈیا مہم کو ایسے میراتھن کے انعقاد ہی آگے لے جانے والے ہیں۔ انہوں نے کہا کہ اس طرح کے انعقادات سے ہی صحت مند جسم اور صحت مند ذہن کے لیے ہم آگے بڑھ سکتے ہیں۔میراتھن میں حصہ لینے والے ملک اور بیرون ملک کے رنرز کو مبارکباد دیتے ہوئے گورنر نے نیک تمناؤں کا اظہار بھی کیا۔سنسکرت یووا سنستھا کے زیراہتمام اس میراتھن میں گورنر کے علاوہ ایم پی رام چرن بوہرا، اداکار سونو سود اور رن وجے، میراتھن کے منتظم سنسکرت یوا سنستھان کے پنڈت سریش مشرا سمیت دیگر معززین کی بڑی تعداد نے بھی شرکت کی۔میراتھن کے لیے آج صبح سے ہی لوگوں میں خاص جوش اور ولولہ دکھائی دے رہا تھا۔ کئی لوگ پگڑی باندھ کر بھی میراتھن میں دوڑے۔ جس میں نوجوانوں کے ساتھ ساتھ مختلف عمر کے لوگوں کی بڑی تعداد نے شرکت کی۔