اگر ایک چوراہے پر شرارت کی تو اگلے چوراہے پر پولیس آپ کو ڈھیر کردے گی: یوگی

کانپور، دسمبر۔مجرموں کو اصلاح کی تنبیہ کرتے ہوئے اتر پردیش کے وزیر اعلی یوگی آدتیہ ناتھ نے جمعہ کو کہا کہ اگر کوئی مجرم ایک چوراہے پر شرارت کرتا ہے تو پولیس اسے اگلے چوراہے پر ڈھیر کرچکی ہوگی۔ کانپور میں ترقیاتی منصوبوں کا تحفہ دینے آئے مسٹر یوگی نے روشن خیال لوگوں کی کانفرنس سے خطاب کرتے ہوئے کہا کہ ٹیکنالوجی کے استعمال سے عام شہری کی زندگی کو آسان اور سادہ بنایا جا سکتا ہے۔ ہمارے شہروں کو محفوظ بنانے کے لیے انٹیگریٹڈ ٹریفک مینجمنٹ سسٹم کو اس سے جوڑنے کا منصوبہ ہے۔ 18 شہروں کے ٹریفک سسٹم کو آئی سی سی سی سے منسلک کیا جا رہا ہے۔ انہوں نے کہا کہ سی سی ٹی وی کیمرے چوراہوں پر جرائم پیشہ افراد کی سرگرمیوں پر نظر رکھیں گے۔ اگر کوئی مجرم ایک چوراہے پر کوئی شرارت کرتا ہے تو پولیس اسے دوسرے چوراہے پر ڈھیر کر کرچکی ہوگی۔ کوئی بھی سیکورٹی کو پامال کرنے کی کوشش نہیں کر سکے گا۔