ورون سود کے ساتھ بریک اپ کے آٹھ ماہ بعد دیویا اگروال نے ایک بزنس مین سے منگنی کر لی
ممبئی، دسمبر ۔ معروف اداکارہ اور بگ باس او ٹی ٹی کی فاتح دیویا اگروال نے اپنے بوائے فرینڈ ورون سود کے ساتھ بریک اپ کے آٹھ ماہ بعد اپنی سالگرہ پر بزنس مین اپوروا پڈگاؤنکر سے منگنی کری۔ دیویا نے خود اپنے آفیشل انسٹاگرام پر کچھ تصاویر شیئر کرکے مداحوں کو یہ اطلاع دی ہے۔جو تصویریں سامنے آئی ہیں ان میں دیویا اگروال اور اپوروا پڈگاؤںکر دونوں رومانوی انداز میں نظر آرہی ہیں۔ دونوں بہت خوش ہیں۔ دیویا اگروال نے اپوروا کی طرف سے پہنی ہوئی انگوٹھی کی تصویر بھی شیئر کی۔ تصویریں شیئر کرتے ہوئے دویا نے لکھا – کیا میں کبھی مسکرانا چھوڑوں گی؟ بالکل نہیں. زندگی روشن ہو گئی ہے اور مجھے اس سفر کا اشتراک کرنے کے لیے صحیح شخص بھی مل گیا ہے۔ یہ وعدہ ہے… میں اس خاص دن کے بعد کبھی تنہا نہیں چلوں گی۔ دیویا اگروال کی اس پوسٹ کے بعد جہاں کچھ صارفین انہیں مبارکباد دے رہے ہیں وہیں کچھ صارفین انہیں ٹرول بھی کر رہے ہیں۔ جہاں کچھ صارفین نے ورون سود کو دیویا اگروال کے لیے بہترین قرار دیا، وہیں کچھ صارفین نے اداکارہ کو بزنس مین سے منگنی کرنے پر نشانہ بنایا۔ اہم بات یہ ہے کہ دیویا اگروال اور ورون سود کی پہلی ملاقات سال 2018 میں ریئلٹی شو Ace of Space میں ہوئی تھی۔ دونوں ایک ساتھ شو میں داخل ہوئے۔ اس کے بعد ورون نے دیویا اگروال کو سب کے سامنے پرپوز کیا۔ دیویا اور ورون نے کئی شوز میں ایک ساتھ کام کیا۔ 2019 سے، انہوں نے لیو ان ریلیشن شپ میں رہنا شروع کیا۔ گزشتہ سال دیویا نے ایک انٹرویو میں کہا تھا کہ وہ اور ورون 2022 میں شادی کریں گے، لیکن مقبول جوڑے کا اس سال مارچ میں رشتہ ٹوٹ گیا۔ ورون سود کے ساتھ بریک اپ کے آٹھ ماہ بعد اب دیویا نے اپوروا پڈگاؤنکر سے شادی کرنے کا فیصلہ کیا ہے۔ رپورٹس کے مطابق دیویا اور اپوروا جلد ہی شادی کے بندھن میں بندھ سکتے ہیں۔
