راجو سریواستو کی آخری رسومات

نئی دہلی، ستمبر۔معروف کامیڈین راجو سریواستو کا جمعرات کو یہاں نگم بودھ گھاٹ پر آخری رسومات ادا کر دی گئیں۔شری سریواستو کا بدھ کے روز یہاں آل انڈیا انسٹی ٹیوٹ آف میڈیکل سائنسز میں بیماری کی وجہ سے انتقال ہوگیا۔خاندانی ذرائع نے بتایا کہ مسٹر سریواستو کے بھائی نے انہیں آگ دی۔ اس سے قبل ان کی لاش شائقین کے دیکھنے کے لیے رکھی گئی تھی۔ ان کے دیگر بھائی خرابی صحت کے باعث آخری رسم میں شریک نہیں ہو سکے۔کامیڈین کی آخری رسم میں لوگوں کی بڑی تعداد نے شرکت کی۔ اس موقع پر ان کے اہل خانہ اور مداحوں نے نم آنکھوں کے ساتھ اپنے پسندیدہ فنکار کو الوداع کیا۔ پروڈیوسر ہدایت کار مدھور بھنڈارکر اور کئی مزاحیہ اداکاروں اور سینما فنکاروں نے شری شریواستو کو خراج عقیدت پیش کرنے کے لیے ان کی آخری رسومات میں شرکت کی۔ راجو شریواستو کی طبیعت خراب ہونے کے بعد 10 اگست سے یہاں ایمس میں داخل تھے۔