فلموں کی کامیابی کا واحد پیمانہ کیا ہے؟ عامر خان نے بتا دیا

ممبئی،اگست۔بالی ووڈ سپر اسٹار عامر خان کا کہنا ہے کہ فلموں کی کامیابی کے حوالے سے باکس آفس ہی واحد پیمانہ ہے۔ باکس آفس ہی یہ حساب لگاتا ہے کہ کتنے لوگوں نے فلم کو دیکھا۔ یاد رہے کہ فلم بین اگلے چند روز میں مسٹر پرفیکشنسٹ کو ان کی نئی آنے والی فلم لال سنگھ چڈھا میں پرفارم کرتا ہوا دیکھیں گے۔ گزشتہ 30 برس سے بالی ووڈ اور ہندی فلموں کے اٹوٹ انگ رہنے اور کیریئر کے دوران کئی ہٹ فلموں میں کام کرنے والے عامر خان کو یہ بات اس لیے کہنا پڑی ہے کہ ان کی فلم لال سنگھ چڈھا پر فلم بین تنقید کررہے ہیں،ناقدین کا کہنا ہے کہ لال سنگھ چڈھا اور پی کے میں یکسانیت ہے اور ان کی زیادہ تر فلموں میں وہ ایک ہی انداز کی اداکاری کرتے ہیں۔حال ہی میڈیا سے بات چیت کے دوران جب ان سے یہ پوچھا گیا کہ کیا باکس آفس کے اعداد و شمار کو وہ اہم سمجھتے ہیں، تو انہوں نے اس کا اثبات میں جواب دیا اور کہا کہ فلم کی کامیابی کا واحد پیمانہ باکس آفس ہی ہے۔