مہاراشٹر میں کورونا کے 785 نئے کیسز درج، چھ مریض فوت

ممبئی، جولائی۔ مہاراشٹر میں گزشتہ 24 گھنٹوں کے دوران کورونا وائرس کے 785 نئے کیسز درج کئے گئے ہیں۔اس دوران اس بیماری سے چھ لوگوں کی موت ہو گئی ہے۔محکمہ صحت نے منگل کو جاری کردہ ایک بلیٹن میں کہا کہ ریاست میں اب تک 80,35,046 لوگ کووڈ-19 سے متاثر ہوئے ہیں جبکہ اس بیماری سے اب تک 1,48,068 لوگوں کی موت ہو چکی ہے۔بلیٹن کے مطابق اس دوران ریاست میں 937 لوگ کووڈ سے بازیاب ہوئے جس کے بعد ریاست میں صحتمند افراد کی تعداد بڑھ کر 78,72,444 ہو گئی ہے۔ اس وقت بازیابی کی شرح 97.98 فیصد اور اموات کی شرح 1.84 فیصد ہے۔اس دوران خطہ مراٹھواڑہ میں کورونا کے 57 نئے معاملات سامنے آئے ہیں اور اس دوران دو مریضوں کی موت ہو ئی۔ ان میں سے اورنگ آباد میں 14 کیسز اور 2 اموات ہیں، لاتور میں 20 کیسز، عثمان آباد میں 19 کیسز اور بیڈ میں چار کیسز سامنے آئے ہیں، جبکہ باقی چار اضلاع میں کوئی نیا کیس سامنے نہیں آیا ہے۔