ہماچل پردیش میں درجۂ حرارت نقطۂ انجماد سے نیچے پہنچا

شملہ، ہماچل پردیش کے اونچے پہاڑی علاقوں میں برف باری کے بعد سردی بڑھ گئی ہے۔ لاہول اسپیتی کے کوکوم سیری میں پیر کے روز کم سے کم درجۂ حرارت منفی 0.4 ڈگری سیلسیس درج کیا گیا۔ رواں موسم میں یہ پہلا موقع ہے جب یہاں درجۂ حرارت نقطۂ انجماد سے نیچے پہنچا ہے۔ ریاست میں گزشتہ 24 گھنٹوں کے دوران اوسط کم سے کم درجۂ حرارت میں 2.1 ڈگری کی کمی آئی ہے اور یہ معمول سے 0.9 ڈگری کم درج کیا گیا ہے۔محکمۂ موسمیات نے 15 اکتوبر تک ریاست کے بیشتر علاقوں میں آندھی چلنے اور آسمانی بجلی گرنے کا یلو الرٹ جاری کیا ہے۔ اونچے پہاڑی علاقوں میں برف باری کا امکان ہے۔ 16 اور 17 اکتوبر کو بھی موسم خراب رہ سکتا ہے، جبکہ 18 اکتوبر کو موسم صاف ہونے کی پیش گوئی کی گئی ہے۔ پیر کے روز ریاست کے بیشتر علاقوں میں موسم صاف ہے اور دھوپ نکلی ہوئی ہے۔محکمۂ موسمیات کے مطابق پیر کے روز سب سے کم درجۂ حرارت لاہول اسپیتی ضلع کے کوکوم سیری میں منفی 0.4 ڈگری سیلسیس درج کیا گیا۔ اس کے بعد کیلانگ میں 0.7، تبو میں 1.4، کلپا میں 6.0، کفری میں 7.1 اور منالی میں 7.4 ڈگری سیلسیس درجۂ حرارت ریکارڈ کیا گیا۔شملہ میں کم سے کم درجۂ حرارت 10.0 ڈگری، پالم پور میں 11.0، بھونتر اور بجورا میں 11.2-11.2، چمبا میں 12.1، جوبڑہٹی میں 12.5 اور سندر نگر میں 12.6 ڈگری سیلسیس رہا۔ کانگڑا میں کم سے کم درجۂ حرارت 13.4 ڈگری، سولن میں 13.5، برتھین میں 13.8، اونا میں 15.0، منڈی میں 15.5 اور نیری میں 16.1 ڈگری سیلسیس درج کیا گیا۔دھرم شالہ میں کم سے کم درجۂ حرارت 16.6 ڈگری، ناہن میں 16.7، دیہرا گوپی پور میں 17.0، سرہان میں 17.8، سیباغ میں 19.2، بلاس پور میں 19.5 اور پاؤںٹا صاحب میں 21.0 ڈگری سیلسیس رہا۔گزشتہ 24 گھنٹوں کے دوران ریاست کے کئی علاقوں میں بارش ریکارڈ کی گئی۔ محکمۂ موسمیات کے اعداد و شمار کے مطابق، منڈی ضلع کے نیری میں سب سے زیادہ 40 ملی میٹر بارش ہوئی۔ کانگڑا میں 31.2 ملی میٹر، سولن ضلع کے کسولی میں 30 ملی میٹر، سرہان میں 18.7 ملی میٹر اور دیہرا گوپی پور میں 15.3 ملی میٹر بارش درج کی گئی۔
دھرم شالہ میں 12.1 ملی میٹر، پالم پور میں 12.4، سولن میں 10.8، کیلانگ میں 10، ناہن میں 9.2، بلاس پور میں 7.8 اور جوبڑہٹی میں 6.2 ملی میٹر بارش ہوئی۔ شملہ میں 4.2، دھولاکواں میں 4.5، کفری میں 3.2 اور کوکوم سیری میں 2.8 ملی میٹر بارش ریکارڈ کی گئی۔اونچے پہاڑی علاقوں میں تازہ برف باری کی وجہ سے سردی یں اضافہ ہوا ہے۔ پیر کے روز ریاست کے بیشتر علاقوں میں موسم صاف رہنے کے دوران شملہ اور منالی میں دھوپ نکلی رہی۔ تاہم، آنے والے دنوں میں موسم دوبارہ تبدیل ہونے کا امکان ہے۔محکمۂ موسمیات کے مطابق، 15 اکتوبر تک ریاست کے بیشتر علاقوں میں آندھی چلنے اور آسمانی بجلی گرنے کا یلو الرٹ برقرار رہے گا۔ اس دوران اونچے پہاڑی علاقوں میں برف باری ہونے کا بھی امکان ہے۔16 اور 17 اکتوبر کو بھی کئی مقامات پر موسم خراب رہ سکتا ہے، تاہم ان دونوں دنوں کے لیے کوئی الرٹ جاری نہیں کیا گیا ہے۔ 18 اکتوبر کو موسم صاف رہنے کی پیش گوئی کی گئی ہے۔