ڈاکٹر اقتدار حسین فاروقی کی تصنیف حیوانات فی القرآن کریم کا اجراء

(پیش کردہ ۔ڈاکٹر سلطان شاکر ہاشمی۔)۔
لکھنو  اُردو سائنٹفک سوسائٹی کی جانب سے مشہور و ممتاز سائنسداں ڈاکٹر اقتدار حسین فاروقی کی نی تصنیف حیوانات فی القرآن الکریم کے ساتھ نباتات الطب نبوی اور نباتات قرآن کے نیے ایڈیشن کے اجراء کی تقریب کا انعقاد عارف اپارٹمنٹ نیو حیدرآباد لکھنو میں ہوا تقریب کی صدارت سابق کارگزار وزیر اعلی اترپردیش ڈاکٹر عمار رضوی نے کی اور مہمان خصوصی کی حیثیت سے مولانا خالد رشید فرانگی محلی چیرمین اسلامک سنٹر اف انڈیا’ پروفیسر سید وسیم اختر چانسلر انٹگرل یونیورسٹی اور پروفیسر ڈاکٹر عباسی مہندی وائس چانسلر ایرا میڈکل یونیورسٹی اور مہمان عزازی کے طور پر ماہر أمراض قلب ڈاکٹر دانش کاظمی نے شرکت کی- ڈاکٹر سلطان شاکر ہاشمی’ نے مہمانوں کا استقبال کیا-
اس موقع پر مہمانوں نے ڈاکٹر اقتدار حسین فاروقی کی علمی’سائنسی و تحقیقی خدمات کا اعتراف کرتے ہوئے کہا کہ انھوں نے حیوانات فی القرآن الکریم جیسی اہم کتاب جو قرآن میں مذکور جانوروں کا صرف تعارف ہی نہیں پیش کرتی ہے بلکہ اسلامی تعلیمات میں جانوروں کی اہمیت کو بھی واضح کرتی ہیں- جدید تحقیق بتاتی ہے کہ ہر جانور کی ساخت اور زندگی اپنے ماحول کے مطابق نہایت حیرت انگیز ہے جس کا تفصیلی جایزہ ڈاکٹر فاروقی نے اپنی تصنیف حیوانات فی القرآن الکریم میں پیش کیا ہے اور بتا یا ہے کہ حیوانات انسان کے مانند خاندان ہیں
اس سے قبل ڈاکٹر اقتدار حسین فاروقی کی مشہور زمانہ کتابیں نباتات قرآن اور نباتات الطب نبوی جس میں قرآنی پودوں کا تفصیلی جائزہ معلومات کے ساتھ اور طب نبوی کے معلومات کے ذخیرے میں قیمتی اضافہ کے ساتھ نایاب و نادر تصانیف موجود ہیں-
ڈاکٹر عمار رضوی نے اپنے صدارتی کلمات میں ڈاکٹر اقتدار حسین فاروقی کی بیش قیمتی سانسی علمی خدمات کا اعترف کرتے ہوئے کہا کہ انھوں نے انگریزی اور اردو میں قرآن کی جو معلومات آسان زبان میں فراہم کیں ہیں وہ سانسی علوم میں اہم اصافہ ہے جس کے ذریعے ہم اسانی سے قرآن میں موجود نباتات’طب نبوی اور حیوانات کی تفصیل جان سکتے ہیں انھوں نے کہا کہ ڈاکٹر فاروقی کی خدمات کے اعتراف میں بہت جلد عوامی استقبالیہ تقریب کا انعقاد کیا جاےگا- مولانا خالد رشید فرانگی محلی نے تجویز کیا تائید کرتے ہوئے کہا کہ ڈاکٹر اقتدار حسین فاروقی صاحب علمی سانسی خدمات کا اعتراف ملک کے نامور علماء ادباء پہلے ہی کرتے رہے ہیں لیکن ان کی خدمات کو عوامی استقبالیہ ک ذریعہ عام کیا جانا چاہیے- پروفیسر سید وسیم اختر نے ڈاکٹر اقتدار حسین فاروقی کی قرآن فہمی کا اعتراف کرتے ہوئے کہا کہ انھوں اپنی تصانیف کے ذریعہ قرآنی علوم کو سمجھنے میں مدد کی ہے- پروفیسر ڈاکٹر عباسی مہندی نے کہا کہ ڈاکٹر اقتدار حسین فاروقی نے نباتات اور طب نبوی پر جو معلومات فراہم کیں ہیں وہ نایاب ہیں- ڈاکٹر سلطان شاکر ہاشمی نے کہا کہ ڈاکٹر اقتدار حسین فاروقی صاحب نے جہاں اپنی تصانیف کے ذریعہ قرآنی علوم کو اردو اور انگریزی زبانوں کے ذریعہ پیش کیا وہی اردو سائنٹفک سوسائٹی کے ذریعہ اہم مصنوعات پر سمینار کرکے عوام کو بیدار کرتے ہوئے انہیں قرآن فہمی کی طرف متوجہ کیا ہے جو قابل ستائش ہے-
اس موقع پر ڈاکٹر فرید زبیری’ شیخ انصرا علی’ محمد اکبر اور انور فاروقی نے بھی خصوصی طور سے شرکت کی-