وزیر اعظم نے محبت اور دعاؤں کے لئے اظہار تشکر کیا
وزیر اعظم جناب نریندر مودی نے آج اپنی سالگرہ کے موقع پر ملک بھر کے عوام کی جانب سے ملنے والی محبت اور دعاؤں کے لیے اظہار تشکر کیا ہے۔ جناب مودی نے کہا کہ کچھ جذبات ایسے ہوتے ہیں جو بہت خاص ہوتے ہیں اور دل کو گہرائی سے چھوتے ہیں۔ انہوں نے ’آشیرواد کا دیا‘ کو محبت کے ایسے ہی ایک اظہار کے طور پر بیان کیا، جس نے انہیں گہرائی سے متاثر کیا ہے۔ وزیر اعظم نے کہا کہ ہر دعا انہیں ہندوستان کے عوام کی مزید لگن کے ساتھ خدمت کرنے کے عزم کو مضبوط کرتی ہے۔جناب مودی نے ایکس پر پوسٹ کیا:
کچھ جذبات ہمیشہ بہت خاص ہوتے ہیں!
آشیرواد کا دیا محبت کا ایسا ہی ایک اظہار ہے، جس نے میرے دل کو گہرائی سے چھوا ہے۔
ہر دعا مجھے اپنے پیارے ہندوستان کی مزید لگن کے ساتھ خدمت کرنے کے عزم کو مضبوط کرتی ہے۔
وزیر اعظم جناب نریندر مودی نے وشوکرما جینتی کے موقع پر ملک کے شہریوں کو مبارکباد پیش کی ہے۔ جناب مودی نے ملک بھر میں تعمیر و تخلیق کے شعبے سے وابستہ کاریگروں، دستکاروں اور ہنرمند کارکنوں کو خصوصی مبارکباد دی۔وزیر اعظم نے کہا کہ ترقی یافتہ اور خود انحصار ہندوستان کے وژن کو شرمندۂ تعبیر کرنے میں کاریگروں اور ہنرمند کارکنوں کی مہارت، لگن اور محنت بے حد اہمیت کی حامل ہے۔ انہوں نے ملک کی تعمیر میں ان کی کوششوں کے لیے ہر ممکن تعاون اور حوصلہ افزائی فراہم کرنے کے حکومت کے عزم کا اعادہ کیا۔
