وزیر اعظم اور دیگر رہنماوں نے عوام کو شبھ مہالیہ کی مبارکباد دی

نئی دہلی، وزیر اعظم نریندر مودی، مرکزی وزیرِ داخلہ اور امدادِ باہمی امت شاہ سمیت متعدد رہنماوں نے ہفتہ کے روز شبھ مہالیہ کے مقدس موقع پر سبھی کو دلی مبارکباد پیش کی۔
وزیر اعظم مودی نے ایکس پر لکھا، اس مقدس موقع پر ہم ماں درگا کے آشیرواد کے متمنی ہیں۔ ان کا آشیرواد ہمارے سماج کو خوشیوں، شفقت اور امید سے بھر دے۔ چاروں طرف امن اور خوشحالی ہو۔امت شاہ نے کہا کہ ماں درگا کا آشیرواد ہر زندگی کو لامحدود مسرت، سکھ، خوشحالی اور امن و سکون سے مالا مال کرے۔ پتر پکش کے اختتام اور دیوی پکش کے آغاز کے اس سنگم پر، مہالیہ کے دن ماں درگا کی آمد کا پیغام گونجتا ہے۔ ماں کے آشیرواد سے ہر زندگی لامحدود مسرت، خوشی اور خوشحالی سے معمور ہو۔
مرکزی وزیرِ صحت جے پی نڈا نے کہا کہ ماں درگا کا آشیرواد ہمیشہ ہم پر قائم رہے اور ہماری زندگی میں خوشیاں، اچھی صحت اور خوشحالی لائے۔ شبھ مہالیہ!واضح رہے کہ مہالیہ سناتن دھرم اور خاص طور پر بنگالی طبقے میں منایا جانے والا ایک انتہائی اہم اور مبارک موقع ہے۔ یہ اشون مہینے کی اماوسیا کی تاریخ کو منایا جاتا ہے۔