لکشیہ سین جاپان ماسٹرز کے فائنل میں پہنچے، علوی فرحان کو شکست دی

کوماموتو، )۔ ہندوستان کے اسٹار بیڈمنٹن کھلاڑی لکشیہ سین نے شاندار کارکردگی جاری رکھتے ہوئے جاپان ماسٹرز 2026 کے فائنل میں جگہ بنا لی ہے۔ ہفتے کے روز کھیلے گئے سیمی فائنل مقابلے میں لکشیہ نے انڈونیشیا کے علوی فرحان کو تین گیم تک چلے سخت مقابلے میں 12-21، 21-15، 11-21 سے ہرایا۔ لکشیہ نے ایک گھنٹہ نو منٹ تک جاری رہنے والے مقابلے میں فتح حاصل کی۔اب خطابی مقابلے میں ان کا سامنا جاپان کے کوکی وتانابے یا سابق عالمی نمبر ایک تھائی لینڈ کے کنلاوت وتیدسارن میں سے کسی ایک سے ہوگا۔
25 سالہ لکشیہ کے لیے یہ جیت رواں سیزن میں ان کی شاندار واپسی کا ایک اور ثبوت ہے۔ گزشتہ کچھ عرصے سے بین الاقوامی ٹور پر جدوجہد کر رہے لکشیہ نے جرمنی میں شاندار کارکردگی کے ساتھ اپنی لَے حاصل کی تھی۔ انہوں نے ہائلو اوپن کے فائنل میں انڈونیشیا کے موجودہ چیمپئن جوناتھن کرسٹی کو 17-21، 10-21 سے ہرا کر رواں سیزن کا اپنا پہلا اور کریئر کا ساتواں خطاب جیتا تھا۔جاپان ماسٹرز میں لکشیہ نے اپنی مہم کا آغاز چینی تائپے کے چی یو جین کو 19-21، 18-21 سے ہرا کر کیا تھا۔ دوسرے راؤنڈ میں انہوں نے چین کے ڈونگ تیان یاؤ کو محض 35 منٹ میں 8-21، 14-21 سے شکست دی۔اس کے بعد کوارٹر فائنل میں لکشیہ نے جاپان کے یوشی تناکا کو 16-21، 15-21 سے ہرا کر آخری چار میں جگہ بنائی تھی۔ اب علوی فرحان کو شکست دے کر انہوں نے فائنل کا ٹکٹ حاصل کر لیا ہے۔
لکشیہ نے حالانکہ کوریا اوپن سے اپنا نام واپس لے لیا تھا، لیکن جاپان میں ان کی شاندار کارکردگی سیزن کے آخر میں ہونے والے بی ڈبلیو ایف ٹور فائنلز کے لیے کوالیفائی کرنے کے ان کے امکانات کو مضبوط کرے گی۔ اب ان کی نظریں جاپان ماسٹرز کا خطاب جیت کر اس مہم کا شاندار اختتام کرنے پر ہوں گی۔