فلم ’آوارہ پن 2‘ کی کامیابی کے بعد بلال صدیقی نے ’آوارہ پن 3‘ کے راز سے پردہ اٹھایا
عمران ہاشمی کی فلم ”آوارہ پن 2“ نے باکس آفس پر شاندار کارکردگی کا مظاہرہ کرتے ہوئے داکار کے کریئر میں ایک نئے باب کا اضافہ کر دیا ہے۔ فلم نے نہ صرف 100 کروڑ روپے کا ہندسہ عبورکر لیا بلکہ عمران کی اب تک کی سب سے زیادہ کمائی کرنے والی فلموں میں سے ایک بن گئی۔ 2007 میں مقبول ہوئے کردار شیوم پنڈت کے طور پر عمران کی واپسی کو ناظرین کی جانب سے زبردست ردعمل مل رہا ہے۔ دریں اثنا، فلم کا کلائمیکس کو نامکمل چھوڑنے کے ساتھ ہی ناظرین میں ”آوارہ پن 3“ کے بارے میں بحثیں تیز ہو گئی ہیں۔
فلم ”آوارہ پن 2“ کے رائٹر بلال صدیقی نے تیسرے پارٹ کے امکان کے بارے میں بات کرتے ہوئے کہا کہ فی الحال ان کی اس معاملے پر پروڈیوسر وشیش بھٹ سے کوئی تفصیلی بات چیت نہیں ہوئی ہے۔ انہوں نے وضاحت کی کہ فلم کی ریلیز کے بعد سے انہیں اور وشیش بھٹ کو ایک دوسرے سے بات کرنے کا زیادہ وقت نہیں ملا ہے۔ بلال کے مطابق، انہیں ابھی پروڈیوسر کے اگلے منصوبوں کے بارے میں کوئی معلومات نہیں ہے، لیکن انہیں امید ہے کہ جلد ہی اس سلسلے میں غور کیا جائے گا۔ انہوں نے یہ بھی کہا کہ اگر کہانی کو آگے بڑھانے کا کا موقع ملتا ہے تو وہ بہت پرجوش ہوں گے۔
رائٹرنے ”آوارہ پن 2“ کی کامیابی پر بھی خوشی کا اظہار کیا۔ انہوں نے کہا کہ وشیش بھٹ کافی عرصے سے ’آوارہ پن‘ کو واپس لانے کے لیے پرجوش تھے اور اب فلم کی واپسی کے ساتھ ہی شائقین کے ردعمل اور باکس آفس پر کارکردگی سے ان کی کوششوں کو کامیاب بنا دیا ہے۔ نتن ککڑ کی ہدایت کاری میں بننے والی،”آوارہ پن 2“ میں عمران ہاشمی کے ساتھ دیشا پٹانی مرکزی کردار میں ہیں، جب کہ شبانہ اعظمی اہم نگیٹو کردار ادا کیا ہے ۔ فلم کی ریلیز اور باکس آفس پر کامیابی کے بعد شائقین اب میکرز کے اگلے اقدام کا بے صبری سے انتظار کر رہے ہیں۔
