ای ڈی کی ٹیم ٹھیکیدار وپن سنگھ کے ٹھکانے پر چھاپہ مار رہی ہے

رانچی، اپریل۔جھارکھنڈ کی راجدھانی رانچی میں مورہآبادی سمیت دیگر ٹھکانوں پر ای ڈی نے چھاپے مارے ہیں۔ای ڈی ذرائع نے آج یہاں بتایا کہ مورہ آبادی کے ٹھیکیدار وپن سنگھ کے ٹھکانے پر چھاپے مارے جارہے ہیں۔ وپن کو نوئیڈا میں ٹریک کیاگیا ہے۔ اس کے بعد ای ڈی کی ٹیم رانچی میں ان کے گھر پہنچی۔ لیکن ای ڈی کے پہنچنے سے پہلے ہی پورا خاندان بدھ کی صبح تک تمام سامان کے ساتھ چلا گیا۔ ای ڈی نے فلیٹ کے مالک پربھات پانڈے کو طلب کیا ہے اور فلیٹ 402 کو سیل کر دیا ہے۔ وپن کو آج دہلی ای ڈی آفس میں خودسپردگی کرنے اور ان کے اہل خانہ کو رانچی ای ڈی آفس میں رپورٹ کرنے کو بھی کہا گیا ہے۔ یہ معاملہ زمین کی غلط منتقلی سے متعلق ہے اور اس معاملے میں وپن کو ثالثی بتایا جا رہا ہے۔ اس کے علاوہ مورہ آبادی، اشوک نگر، بوٹی موڑ اور کھیل گاؤں و جمشید پور کے دو مقامات پر بھی چھاپے مارے جا رہے ہیں۔دوسری طرف زمین گھوٹالے میں گاڑی گاؤں میں شیکھر کشواہا نامی زمین ڈیلر کے یہاں ای ڈی کی چھاپہ ماری جاری ہے۔