سندھو کی گروپ کے آخری میچ میں شکست، لیکن سیمی فائنل کھیلیں گی

بالی، دسمبر۔ ہندوستانی اسٹار بیڈمنٹن کھلاڑی پی وی سندھو جمعہ کو بی ڈبلیو ایف ورلڈ ٹور فائنل 2021 ٹورنامنٹ میں گروپ مرحلے کے اپنے آخری میچ میں ہار گئیں۔ تاہم وہ سیمی فائنل میں کھیلیں گی، کیونکہ اس سے پہلے وہ دو میچ جیت چکی ہیں۔ سندھو کو جمعہ کو گروپ مرحلے کے آخری میچ میں تھائی لینڈ کی پورنپاوی چوکوانگ سے 12-21، 19-21، 21-14 سے شکست ہوئی۔ چوکوانگ نے مسلسل تیسری جیت کے ساتھ گروپ کی ٹاپ کھلاڑی کے طور پر گروپ مرحلے کی مہم ختم کی۔ وہ بھی سیمی فائنل میں بھی پہنچ گئی ہے۔ قابل ذکر ہے کہ موجودہ عالمی چیمپئن پی وی سندھو نے اس سے قبل اپنے دوگروپ مرحلے کے میچوں میں ڈنمارک کی لن کرسٹوفرسن کو 21-14، 21-16 اور جرمنی کی یوون لی کو 21-10، 21-13 سے شکست دی تھی۔