ٹیسٹ سیریزمیں اسپن گیندبازی ہمارے لئے مشکل چیلنج ہوگی:ولیمسن

کانپور، نومبر۔نیوزی لینڈ کے کپتان کین ولیمسن کا خیال ہے کہ ہندوستان کے خلاف 25 نومبر سے شروع ہونے والی دو میچوں کی ٹیسٹ سیریز میں اسپن گیند بازی ان کی ٹیم کے لیے ایک مشکل چیلنج ہوگی۔ انہوں نے زوردے کرکہا کہ ان کے کھلاڑی اس کے لئے جتنی اچھی تیاری کرسکتے ہیں، کر رہے ہیں۔ولیمسن نے بدھ کو یہاں میچ سے قبل موقع پر ایک پریس کانفرنس میں کہا، “کیمپ میں پہلے ٹیسٹ میچ کے حوالے سے بات چیت جاری ہے۔ ہماری ٹیم کو ہندوستانی اسپنرز کو کھیلنے کے لیے الگ طریقہ اختیارکرنے کی ضرورت ہے۔ ہم ہندوستانی اسپن گیند بازوں کی طاقت کو جانتے ہیں۔ انہوں نے یہاں طویل عرصے سے شاندار گیند بازی کی ہے۔ ہمارے لیے مختلف انداز میں کھیلنا درست ہوگا۔ اس کے علاوہ اسکور کرنا اور شراکت داری بنانا بہت اہم ہوگا۔نیوزی لینڈ کے کپتان نے کہا کہ تمام کھلاڑی مختلف ہیں اس لیے ان کے طریقے ایک دوسرے سے قدرے مختلف ہوں گے لیکن اس میں کوئی شک نہیں کہ کچھ چیلنجز کے لیے جتناممکن ہوسکے کوشش کرنے اورتیاری کرنے کی ضرورت ہے۔ ہم جانتے ہیں کہ ہم انہیں کھیلنے جا رہے ہیں۔ اشون اور جڈیجہ کوگھریلو حالات میں ملی کامیابی کودیکھتے ہوئے مجھے لگتاہے کہ یہ دونوں کھلاڑی سیریز کے نتائج میں فیصلہ کن کردار ادا کریں گے کیونکہ انہوں نے گھریلو حالات میں بیترین گیند بازی کی ہے۔ مجھے یقین ہے کہ پوری سیریز میں اسپنرز اہم کردار ادا کریں گے، تاہم مجھے لگتا ہے کہ کانپور کا گراؤنڈ کچھ مختلف ہے اور ہم نے یہاں 2016 میں آخری میچ کھیلا تھا، اس لیے ہمارے لیے اچھا ہو گا کہ حالات کو جلد سے جلد سمجھ لیں۔