گارشیا نے اپنے کیرئیر کا دسواں خطاب جیتا

میسن، اگست۔ فرانس کی کیرولین گارسیا نے ڈبلیو ٹی اے ٹور 2022 میں اپنی شاندار فارم کو جاری رکھتے ہوئے سنسناٹی اوپن کے فائنل میں چیک جمہوریہ کی پیٹرا کویٹووا کو شکست دے کر اپنے کیریئر کا 10 واں سنگلز ٹائٹل اپنے نام کیا۔گارشیا نے اتوار کو کھیلے گئے فائنل میں کویٹووا کو اسٹریٹ سیٹس میں 6-2، 6-4 سے شکست دی۔ ہارڈ کورٹ کی اس فتح کے ساتھ گارشیا نے اس سیزن میں تیسرا ٹائٹل اپنے نام کر لیا۔ اس سے قبل وہ بیڈ ہومبرگ (گراس کورٹ) اور وارسا (کلے کورٹ) میں بھی جیت چکی ہیں۔گارشیا کوالیفائر راؤنڈ سے جگہ بنا کر فائنل میں پہنچ گئی تھیں۔ اس جیت کے ساتھ، وہ ڈبلیو ٹی اے 1000 کا ٹائٹل جیتنے والی پہلی کوالیفائر بھی بن گئیں۔گارشیا نے جیت کے بعد کہا، ’’اس جیت سے وہ بہت خوش ہیں ۔ ہر جیت بہت اہم ہوتی ہے۔ ہر ٹائٹل بہت خاص ہوتا ہے، چاہے وہ ڈبلیو ٹی اے 250 ہو یا 1000۔ اسے بیان کرنا مشکل ہے۔ یہ بار بار نہیں ہوتا ہے۔ میں ٹینس کے اس شاندار ہفتے کے لیے شکر گزار ہوں۔ ایک اور ٹائٹل جیتنا بہت خاص ہے۔”انہوں نے کہا، "ڈبلیو ٹی اے 1000 میں سب کچھ بہت تیزی سے ہوتا ہے۔ آپ کو ہر صبح دوبارہ توجہ مرکوز کرنی ہوتی ہے۔ یہ ایک چیلنجنگ میچ تھا، لیکن میں اپنی کوشش سے بہت خوش ہوں۔