مہاراشٹر میں سڑک حادثے میں کم از کم 10 ہلاک، 25 زخمی

ممبئی، جنوری۔مہاراشٹر کے سنار-شرڈی ہائی وے پر جمعہ کی صبح ایک بس اور ٹرک کے ٹکراجانے سے دس افراد کی موقع پر ہی موت ہو گئی جبکہ 25 شدید طورپر زخمی ہو گئے۔ سرکاری ذرائع نے یہ اطلاع دی۔
ذرائع نے بتایا کہ حادثہ سنار-شرڈی روڈ پر پتھارے شیورا پھاٹا پر ایشانیشور مندر کے نزدیک اس وقت پیش آیا جب ممبئی سے شرڈی جا رہی ایک نجی بس ایک ٹرک سے ٹکرا گئی۔ حادثے میں کم از کم 10 افراد ہلاک اور 25 زخمی ہوگئے۔ انہوں نے مزید کہا کہ تمام زخمیوں کو سنار اور ناسک کے اسپتالوں میں داخل کرایا گیا ہے۔ذرائع کے مطابق اس بس میں عنبرناتھ تھانے علاقے سے تقریباً 50 مسافر شرڈی جا رہے تھے۔