مودی نے لوگوں سے خواتین کے سیلف ہیلپ گروپس کی مصنوعات خریدنے کی اپیل کی

نئی دہلی، مئی۔ وزیر اعظم نریندر مودی نے تھنجاور میں خواتین کے سیلف ہیلپ گروپ کی تعریف کرتے ہوئے ہم وطنوں سے ان گروپوں کی مصنوعات کا زیادہ سے زیادہ استعمال کرنے کی اپیل کرتے ہوئے کہا ہے کہ اس سے نہ صرف خواتین کو بااختیار بنانے میں بلکہ ’خود کفیل ہندوستان مہم‘ کو بھی تحریک ملے گی۔اتوار کو یہاں اپنے ماہانہ ریڈیو پروگرام من کی بات سے خطاب کرتے ہوئے مسٹر مودی نے کہا کہ تھنجاور، تمل ناڈو سے تعلق رکھنے والی خواتین کے سیلف ہیلپ گروپ نے انہیں ایک خاص تھنجاور گڑیا بھیجی ہے جس میں ہندوستان کی خوشبو اور مادر طاقت کی جھلک رہی ہے۔انہوں نے کہا کہ دوستو! کچھ دن پہلے مجھے ایک ایسی دلچسپ اور دلفریب چیز ملی جو اہل وطن کی تخلیقی صلاحیتوں اور ان کی فنکارانہ صلاحیتوں سے لبریز ہے۔ تنجاور، تمل ناڈو کے ایک سیلف ہیلپ گروپ نے مجھے ایک تحفہ بھیجا ہے۔ اس تحفے میں ہندوستان کی خوشبو ہے اور یہ مادروطن کی بھی عکاسی کرتی ہے – میرے لیے ان کا پیار۔ یہ ایک خاص تھنجاور گڑیا ہے، جسے جی آئی ٹیگ بھی ملا ہے۔ میں اس گروپ کا خصوصی شکریہ ادا کرتا ہوں کہ انہوں نے مجھے یہ تحفہ بھیجا جو کہ مقامی ثقافت سے جڑا ہوا ہے۔ اس گڑیا کو خواتین کو بااختیار بنانے کی علامت بتاتے ہوئے وزیر اعظم نے کہاکہ "ویسے تو یہ گڑیا جتنی خوبصورت ہے، اتنی ہی خوبصورت ہے یہ خواتین کو بااختیار بنانے کی ایک نئی کہانی بھی لکھ رہی ہے۔ تنجاور میں خواتین کے سیلف ہیلپ گروپ اسٹورز اور کیوسٹ بھی کھل رہے ہیں۔ اس نے بہت سے غریب خاندانوں کی زندگی بدل دی ہے۔‘‘