ممبئی کے گورےگاؤں میں فرنیچر مارکیٹ میں بھیانک آتشزدگی

ممبئی ،،مارچ۔ممبئی کے شمالی مضافاتی علاقہ گورےگاؤں اوشیورہ میں واقع فرنیچر مارکیٹ میں بھیانک آتشزدگی کی وجہ سے بھاری مالی نقصان ہوا ہے۔سرکاری ذرائع کے مطابق پیر کی صبح مارکیٹ میں زبردست آگ لگ گئی۔ تاہم ابھی تک کسی جانی نقصان کی اطلاع نہیں ہے۔ ذرائع نے بتایا کہ جوگیشوری اور گورے گاؤں (مغربی)کے درمیان اوشیورہ پل کے قریب ریلیف روڈ پر واقع فرنیچر کے گودام میں صبح 11 بجے تیسرے درجہ کی آگ لگی،ویسے آگ لگنے کی وجہ کا ابھی تک پتہ نہیں چل سکا ہے۔ علاقہ دھوئیں کی گھنی چادر میں ڈھکا ہوا تھا۔اردگردی کی جھگی چھوڑی کو خالی کرا دیا گیا ہے ۔