شمسی توانائی سے انڈسٹریز کو ملے گی نئی طاقت
لکھنؤ:دسمبر۔ اترپردیش میں گذشتہ پانچ سالوں میں بجلی کا خرچ53ہزار میگاواٹ ہوجائے گی۔ جو ہر سال 16فیصدی کی شرح سے بڑھے گی۔ ایسے میں یوگی حکومت نے روایتی توانائی نظام، تھرمل اور ہائیڈرو پاور پر انحصار کم کرنے کی سمت میں تیزی سے آگے بڑھ رہی ہے۔اس کی اہم وجہ سے تھرمل اور ہائیڈرو پاور کے ذریعہ بجلی پروڈکشن میں آنے والے زیادہ اخراجات سے بچنے اور آلودگی کے بڑھتی سطح کو کم کرنا ہے۔ اس پر وزیر اعلی یوگی آدتیہ ناتھ نے ایک میٹنگ میں افسران کو بجلی پروڈکشن کے لئے شمسی توانائی پر فوکس کرنے کی ہدایات دئیے ہیں۔مسٹر یوگی نے کہا کہ ریاست کو ایک ٹریلین ڈالر معیشت بنانے میں سب سے اہم کردار بجلی کا ہے۔ یوگی حکومت کی پالیسیوں کو دیکھتے ہوئے بیرون ملک کے ساتھ ملک کی مختلف ریاستوں میں سرمایہ دار یہاں پر بڑے پیمانے پر سرمایہ کاری کرنے کے لئے آرہے ہیں۔ ایسے میں صنعتی سرگرمیوں کو چلانے کے لئے بجلی کی ڈیمانڈ کافی بڑھ جائے گی۔ اس پر وزیر اعلی یوگی آدتیہ ناتھ نے افسران کو اس خرچ کو پورا کرنے لئے شمسی توانائی پر فوکس کرنے کی ہدایت دئیے ہیں۔ اس کے لئے یوگی حکومت نئی اترپردیش شمسی توانائی پالیسی۔2022 بھی لے کر آئی ہے جس کے تحت شمسی توانائی کو بڑھانے کے لئے کئی طرح کی رعایات دی گئی ہیں۔یوگی حکومت شمسی توانائی کی پیداوار کو بڑھانے کے لئے ریاست میں 18سولر سٹی کی تعمیر کرے گی۔ جس میں پہلے مرحلے میں نوئیڈا اور اجودھیا کو سولر سٹی کے طور پر فروغ دیا جائے گا۔ اس کے بعد ریاست کے 16 نگر نگم کو سولر سٹی کے طور پر فروغ دیا جائے گا۔ وزیر اعلی نے میٹنگ میں کہا کہ اس سولر سٹی سےر یاست میں کل بجلی پیداوار کا 10فیصدی بجلی پیداوار سولر سے کیا جائے گا۔ ساتھ ہی اسے سال در سال بڑھایا جائے تاکہ سرمایہ داروں کے ساتھ ریاستی باشندوں کو سستی بجلی دستیاب کرائی جاسکے۔سولر توانائی کے پیداوار کو بڑھانے کے لئے بندیل کھنڈ ریجن میں سولر پارک کا تعمیراتی کام تیزی سے کیا جارہا ہے۔ یہاں پر روزانہ 4میگاواٹ بجلی پیدا کرنے کا سولر پارک بنایا جارہا ہے۔ وہیں ریاست کے مختلف اضلاع میں سولر انرجی کی سپلائی کے لئے گرین کاریڈور بنایا جائے گا۔ سولر پارک سے پہلے مرحلے میں کھیتی اور گاؤں میں بجلی سپلائی کے لئے بنائے گئے بجلی فیڈر سے سولر انرجی کو سپلائی کیا جائے گا۔یعنی ریاست میں سب سے پہلے گاؤں سولر انرجی سے روشن ہونگے۔ اس کے ساتھ ہی کھیتوں کی سینچائی کے لئے لگنے والے پمپوں کو پوری طرح سے سولر انرجی سے چلایا جائے گا۔
