بھوپال گیس سانحہ سے سبق ملتا ہے کہ ہمیں قدرتی وسائل کو اپنی ضروریات کے مطابق استعمال کرنا چاہیے: شیوراج

بھوپال، دسمبر ۔ مدھیہ پردیش کے وزیر اعلی شیوراج سنگھ چوہان نے بھوپال گیس سانحہ کی برسی کے موقع پر متاثرین کو خراج عقیدت پیش کرتے ہوئے آج کہا کہ بھوپال گیس سانحہ ہم سب کے لیے ایک سبق ہے کہ ہمیں اپنی ضروریات کے مطابق قدرتی وسائل کا استحصال کرنا چاہیے۔بھوپال گیس سانحہ کی 38 ویں برسی پر، مسٹر چوہان نے یہاں سنٹرل لائبریری میں منعقدہ خراج عقیدت اور ہمہ گیر دعائیہ اجلاس میں شرکت کی۔ انہوں نے کہا کہ وہ ان مرحومین کو خراج عقیدت پیش کرتے ہیں جنہوں نے بھوپال گیس سانحہ میں اپنی جانیں گنوائیں۔ انہوں نے کہا کہ بھوپال گیس سانحہ ایک سبق ہے کہ ہمیں اپنی ضروریات کے مطابق قدرتی وسائل سے فائدہ اٹھانا چاہیے۔ تمام مذاہب ہمیں انسانی بہبود کی خواہش کے ساتھ تحریک دیتے ہیں کہ ہم دوسروں کے دکھوں کو دور کرنے کے لیے کام کریں۔وزیراعلیٰ نے کہا کہ ترقی اور ماحولیات میں توازن ہونا چاہیے۔ انسانوں کو بھی اپنی حدود میں رہنا چاہیے۔ آئیے ماحول کو بچانے کے لیے اپنا فرض ادا کریں۔