آخرکار جنوبی افریقہ کا دورہ کریں گےشکیب الحسن

ڈھاکہ، مارچ۔شکیب الحسن اور بنگلہ دیش کرکٹ بورڈ (بی سی بی) کے درمیان چل رہے معاملے میں اب ایک ڈرامائی موڑ آیا ہے۔ شکیب نے بنگلہ دیشی ٹیم کے ساتھ دورہ ٔجنوبی افریقہ کا فیصلہ کیا ہے۔ اب وہ 18 مارچ سے شروع ہونے والی ون ڈے سیریز کے لیے اتوار کو ڈھاکہ سے پرواز کریں گے۔شکیب نے ہفتے کو حسن اور بورڈ کے دیگر ارکان کے ساتھ مشترکہ پریس کانفرنس میں کہا، ’میں نےگذشتہ دو دنوں سے (بی سی بی کے صدر نظم الحسن) پاپون بھائی سے بات کی تھی، تب ہم نے پورے سال کا منصوبہ بنایا تھا۔ میں تینوں فارمیٹس کے لیے دستیاب ہوں جس میں جنوبی افریقہ سیریز بھی شامل ہے۔ بورڈ طےکرے گا کہ مجھے کب آرام دینا ہے‘۔نظمُل نے وضاحت کی کہ بی سی بی نے شکیب کی آرام کی درخواست کا جواب دیا تھا، کیونکہ وہ ’جسمانی اور ذہنی طور پر تھکے ہوئے‘تھے، اگر وہ آرام کرتے تو انھیں 30 اپریل تک بین الاقوامی کرکٹ سے باہر رہنا پڑتا، دونوں نے صورتحال پر بات چیت کرنے کے لیے ایک دو بار ملاقات کی۔ نظمُل نے کہا،’دبئی پہنچنے کے بعد (ایک نجی سگائی کے لیے)شکیب نے مجھ سے کہا کہ وہ مجھ سے بات کرنے کے بعد حتمی فیصلہ کریں گے۔ پھر انہوں نے ہمیں بتایا کہ وہ جنوبی افریقہ نہیں جانا چاہتے۔ ہم نے انھیں چھٹی دے دی، جس کا اعلان بعد میں (جمعرات کو) کو میڈیا کو کیا گیا۔ پھر کل سے ایک دن پہلے انہوں نے مجھے بتایا کہ وہ ذہنی طور پر تھک گئے ہیں۔ یہ کسی کو بھی کبھی بھی ہو سکتا ہے‘۔ انھیں اپنا ذہن بنانے میں دشواری ہو رہی تھی، اس لیے ہم نے اس دوران ان کا ساتھ دیا۔ بورڈ ہمیشہ کھلاڑیوں کے ساتھ ہے‘۔ اس وقت حسن نے کہا، ’شکیب نے خود کو دستیاب رکھنے کا فیصلہ کیا۔ شکیب دورۂ جنوبی افریقہ کے لیے تمام فارمیٹس کے لیے دستیاب ہیں۔ وہ جنوبی افریقہ جائیں گے۔ اگر وہ اس سیریز میں کوئی میچ چھوڑدیتے ہیں تو براہ کرم اسے قبول کریں۔ وہ کھیلنا چاہتے ہیں۔ یہ سب سے اہم بات ہے‘۔یہ صورتحال گذشتہ ماہ کے آخر میں اس وقت پیدا ہوئی جب نظمُل نے بنگلہ دیش کے افغانستان کے خلاف تیسرے ون ڈے میچ کے بعد کہا کہ انہوں نے شکیب کو ٹیسٹ اور ون ڈے دونوں کھیلنے کے لیے جنوبی افریقہ کا دورہ کرنے کی ہدایت کی تھی۔ یہ اس وقت ہوا جب شکیب نے بی سی بی کو بتایا کہ وہ اس سال چھ ماہ کے لیے ٹیسٹ چھوڑنا چاہتے ہیں۔ 28 فروری کو نظمُل کے بیان کے بعد، سلیکٹرس نے شکیب کو جنوبی افریقہ کے لیے ون ڈے اور ٹیسٹ دونوں اسکواڈ میں نامزد کیا۔شکیب نے بعد میں کہا کہ وہ ذہنی اور جسمانی طور پر تھک چکے ہیں اور جنوبی افریقہ کا دورہ کرنے کی پوزیشن میں نہیں ہیں۔ انہوں نے میڈیا کو بتایا کہ انہوں نے اپنے فیصلے سے بی سی بی کی کرکٹ اسٹیئرنگ کمیٹی کے چیئرمین جلال یونس کو آگاہ کر دیا ہے۔ اس کے بعد نظمُل کے ساتھ ساتھ بنگلہ دیش کی مردوں کی ٹیم کے ڈائریکٹر خالد محمود نے شکیب کی بنگلہ دیش ٹیم سے پابند عہد ہونے پر سوال اٹھاتے ہوئے جواب دیا، اور جمعرات کو یونس نے اعلان کیا کہ شکیب کو 30 اپریل تک آرام دیا گیا ہے، جس کا مطلب ہے کہ وہ جنوبی افریقہ کے دورے سے مکمل طور پر محروم رہیں گے۔ساتھ ہی ڈھاکہ پریمیئر لیگ۔پھر، دو دن پہلے ہی شکیب کو چار دیگر کھلاڑیوں کے ساتھ بی سی بی نے سینٹرل کنٹریکٹ دیا تھا۔ سیریز کا آغاز جنوبی افریقہ میں 18 مارچ سے ہو رہا ہے جس میں پہلے تین ون ڈے اور دو ٹیسٹ میچ ہوں گے۔